CEBU CITY-Gilauman nga mas modoble ang ihap sa mga tawo nga mosalmot ug mag-atang sa mga examinees sa katapusang adlaw sa 2024 Bar examinations arun ipakita ang ilang hugot nga suporta karong umaabot nga Domingo, Setyembre 15, 2024.
Hinungdan nga gipangandaman kini sa Cebu City Transportation Office ug nakipag-alayon ang Station 7 arun sa dugang barriers nga nagtumong sa pagpataas sa linya nga agian sa mga sakyanan sa mga examinees.
Nagpasabot kini nga wala’y tawo o supporters ang tugutan nga makasulod sa himoon nga ali, inay adunay designated area diin gitugan sila nga maghuwat sa ilang mga gipang suportahan.
Atol sa pakighinabi sa Bombo Radyo Cebu kang Raquel Arce, ang head sa CCTO diin gipaambit niini nga gawas sa dugang barriers kay mo-augment usab kini og dugang 20 ka mga traffic enforcement arun sa pagmintinar ug pagsiguro sa kaluwasan, ingon man kahapsay sa katapusang adlaw sa exam.
Gani, gawas sa dugang mga personahe kay gidungagan usab ang mga presensya sa kapulisan nga mo-abag sa kahapsay ug kalinaw.
