CEBU CITY — Wala’y igo nga kapasidad nga makig-atubang ang Miami Heat sa Los Angeles Lakers alang sa NBA Finals.
Kini ang ‘fearless forecast’ sa usa ka sports analyst nga si Jun Migallen, human sa nahitabong Game 1 sa NBA Finals 2020 kaganihang buntag.
Gibutyag ni Migallen nga dako gayud ug bentaha ang Lakers kung hisgotan ang kasinati-an, ingon man nga pulos ‘big man’ ang ilahang mga players.
Matud pa, kung ‘man to man wise’, giingong walay porsyento nga madag-an ang Heat.
Hinuon, gipadayag ni Migallen nga mipakita ug labok ang Miami sa Game 1 ug makita sa maong grupo ang ilahang ka agresibo.
Gitawag niini nga ‘promising team’ ang Heat diin posible sa mga umaabot nga katuigan, sa insakto nga kasinati-an, makab-ot sa maong team ang NBA Finals championship.
Apan sa pagkakarun, giingong susama nga ‘mismatch’ ang nahitabo diin dili gayud kini makaparang sa Lakers.
Napanglantaw ni Migallen nga walay Game 7 nga mahitabo ug giingong taas na ang Game 6 ug aduna na’y mudaug sa NBA Finals karung tuiga.
Kahinumdoman nga gilubong sa LA Lakers sa iskor nga 116 batok 98 ang Miami Heat sa Game 1 sa NBA Finals. /SBR
