CEBU CITY-Milyon-milyong kantidad sa mga beauty products ug mga tambal ang nasakmit sa mga mga otoridad sa gipahigayong raid sa usa ka pharmaceutical company sa dakbayan sa Mandaue Cebu.
Matud ni Police Supt Reynaldo Magdaluyo, ang hepe sa Regional Special Operations Group (RSOG-7) giingon niini nga nakadawat sila og taho gikan sa Central Office sa Food And Drug Administration batok sa American Compounding Phamarmacy Incoprorated sa giingong iligal nga pag manufacture niini og mga tambal ug beauty products.
Giingong wala usab manufacturing permit ang maong pahramaceutical company ug lima na ka tuig nga expired ang lisensya sa ilang drug store.Dugang pa niini, nakumpirmar nila ang naasoy nga impormasyon sa sihang nagkatrasaksyon ang sakop sa RSOG sa maong paharmaceutical company ug ila kini nga gipasusi sa FDA ang mga napalit nga tambal ug didto napamatud-an nga wala kini miagi sa pagsusi sa nahisgutang buhatan.
Dali nga nag-apply sa search warrant ang mga otoridad batok sa usa ka David Atkinson nga matud pa maoy tag-iya sa maong kompaniya. Apan bugtong ang accountant lang nga si Gerlie Barricuatro ang nasikop sa mga otoridad tungod kay giingong naa sa kauluhan si Atkinson.
Kasong may kalapasan sa RA 9711 (Food and drugs administration act of 2009 ) o iligal nga pagbaligya ug pagmanufacture sa mga tambal ang kasonga ipasaka batok sa tag-iya og sa mga board of directors sa nasoy nga kompaniya.
