Giklaro sa Miss Iloilo Organization nga dili si Jo Rubio ang nagdesinyo sa gown nga gisul-ob ni Miss Universe Iloilo City nga si Zestah Espinosa sa evening gown competition sa Miss Universe Philippines 2026.
Kini human makita sa screen sa kompetisyon nga si Rubio ang gi-ila nga tigdesinyo sa puti nga gown nga gisul-ob ni Espinosa.
Sumala sa Miss Iloilo Organization, desisyon ni Zestah ug sa iyang team ang pagpili ug paggamit og lahi nga gown alang sa maong kategorya.
Sa pikas bahin, nipagawas usab og pamahayag ang team ni Zestah Espinosa, nga naghisgot sa mga sirkumstansya sa Evening Gown Competition sa Miss Universe Philippines 2026.
Lakip niini ang last-minute nga paghatud sa gown, kakulang sa finalized preview, ug kalisod sa pagpangandam sa backstage.
Gipasiugda sa kampo ni Zestah nga ang mga desisyon nga gihimo atol sa kalihokan gituyo aron masiguro ang kandam sa kandidata.
Gisubli usab nila ang ilang pagtahod sa Miss Iloilo Organization ug sa tanang designers nga nalambigit.
