CEBU CITY-Hilabihan ang kagool ug naa sa state of shock pa ang usa ka bana human nga naghikog ang asawa niini sa may Sitio Abaya, Brgy. Kangkaibe isla sa Bantayan, Cebu kagahapon, Mayo 17 sa udto.
Naila ang biktima nga si Teresita Despe, 27 anyos.
Una niini, pagsaysay ni Police Master Sergeant Raymund Pepito, ang imbestigador sa Bantayan Police Station nga nakadawat sila og tawag gikan sa bana sa biktima nga wala nagpaila human nga ang asawa niini ang naghikog human sa ilang panag-away kalabot lamang sa sabong panglaba.
Matud pa nga gisugo sa bana ang asawa niini nga mu-utang sa tindahan og sabon apan wala kini nabitbit paguli hinungdan nga nag-away ang duha.
Human sa maong panaglalis, natulog matud pa ang bana sa biktima kauban ang ilang anak apan sa pagmata niini nakita nalang sa duha nga nagbitay na si Teresita dapit sa ilang hagdanan.
Naghigot kini sa liog og pisi nga gamit sa pangtugway sa kanding. Gisuwayan pa sa pagtabang sa bana ang iyang asawa apan wala na kini matabang ug nakutluan gyud kini sa iyang kinabuhi.
