Nitambong sa ilang graduation rites sa Convention Center sa San Jose del Monte, Bulacan ang mga miyembro sa P-pop group nga “BGYO” nga sila si Gelo Rivera, Mikki Claver ug JL Toreliza.
Nagmartsa usab niadtong Biyernes ang mga miyembro sasikat nga girl group sa nasud nga “BINI” nga sila si Maloi Ricalde ug Colet Vergara nga migradwar usab sa senior high.
Silang tanan niagi sa blended learning isip scholar sa Japan Philippine Institute of Technology sa Bulacan.
Si Gelo ni-graduate sa General Academics strand, samtang sila si Maloi, Colet ug Mikki ni-graduate sa Humanities and Social Sciences strand samtang si JL nigradwar sa Science and Technology Enginerring and Mathematics strand.
Silang tanan nakadawat ug special citation awards alang sa Arts, Media ug Entertainment atol sa programa.
Sa usa ka pamahayag, sila si Maloi ug Colet niingon nga inspirado sila nga mopadayon sa kolehiyo bisan pa man sa ilang umaabot nga hectic schedule.
Gusto ni Maloi nga makapadayon sa degree nga may kalabotan sa Multimedia ug Fine Arts, samtang si Colet gusto nga mopadayon sa degree sama sa Dentistry, Pharmacy o bisan unsa nga may kalabotan sa medikal.
Matud pa ni Gelo nga iyang gikonsiderar ang multimedia arts o kursong negosyo sa kolehiyo.
Nagpabor sa kursong Engineering si JL, samtang si Mikki gustong mosunod sa tunob sa iyang igsuon ug nagplano nga mokuha og Architecture o Interior Design.
