Pormal nang giablihan ang Moalboal Bulkwater Supply Project sa Barangay Bala, lungsod sa Moalboal sa habagatang-kasadpang Sugbo kagahapong adlawa sa Huwebes, Hunyo 12, 2025.
Kun diin ang inaugurasyon kay personal nga gitambongan nila ni Outgoing Cebu Governor Gwendolyn Garcia, Moalboal Municipal Mayor Inocente Cabaron ug uban pa sa pagtimaan sa pagkumpleto sa maong landmark infrastructure project.
Kabahin ang maong water upply project sa P3-bilyones nga Water System Development Program sa Kapitolyo sa Sugbo nga nagtinguha sa pagdalit og masaligang tinubdan sa tubig sa 25 ka mga lokalidad likop tibuok probinsya.
Nagahinan ang proyekto sa kaping P300-milyones sa maong lungsod sa pagtukod og modernong water treatment facility sa barangay Bala nga nagkuha og tubig sa doul nga tubod ug iproseso kini aron makaabot sa health and safety standards for public consumption.
Naka-instalar sab kini og dagkong mga reservoir ug water storage tanks nga igo maka-suplay sa 6,000 cubic meters sa tubig kada adlaw.
Makaserbisyo sa 9 ka mga barangay ang mga proyekto nga mao ang Saavedra, Tubli, Basdiot, Poblacion West, Poblacion East, Tunga, Lanao, Bugho, ug Bala pinaagi sa halapad nga 63-kilometer pipeline network niini nga madalit sa suplay sa tubig sa kapin 8,000 ka mga panimalay.
Ang maong water system project kay dili lamang magsulbad sa dugay nang mga isyu sa kanihit sa tubig sa Moalboal apan nagsuporta usab sa nagkadako nga industriya sa turismo sa maong lungsod.
