CEBU CITY-Duha ka angulo ang gitan-aw karon sa Talisay PNP sa kamatayon ni Police Corporal Marlon Belleres kinsang gipusil patay sa may Deca Homes Barangay Dumlog Talisay City niadtong adlaw nga Sabado.
Matud ni PMajor Gerard Ace Pelare, ang hepe sa Talisay PNP atol sa pakighinabi sa Bombo Radyo Cebu nga Love triangle ug personal grudge ang nakita nila nga motibo sa pagpamusil apan gitino sa hepe nga palawman pa nila ang imbistigasyon ug dili pa usa nila i-divulged ang mga uban pang detalye.
Aduna na usab sila’y nakuha nga CCTV camera apan dili sa crime scene apan dako kini nga tabang sanglit nakita sa footage ang suspek nga gisundan gyud ang biktima.
Dako ang pagtoo ni Pelare nga planado ang pagpatay sanglit nagbinugtong ang suspek ug nangunay gyud sanglit kung nanghire pa kini og mamumuno, sagad sa muhimo sa krimen, mga riding in tandem.
