CEBU CITY-‘Mura og nakuhaan na matud pa og tunok’ si Mrs. Thelma Chiong sa pagsurrender ni Josman Aznar, ang usa sa akusado sa paglogos ug pagpatay sa iyang duha ka mga babaeng anak kinsang mao nalay gawasnon tungod sa Good Conduct Time Allowance (GCTA).
Matud ni Chiong sa dihang ekslusibong nahinabi sa Bombo Radyo Cebu nga gi-lauman na kini niya sanglit una naman matud pa nga nagpaabot og mensahe si Josman Aznar nga musurender kini.
Dason ni Chiong nga gisulit lang matud pa ni Aznar ang 15 diyas.Duda usab si Chiong nga mi-uli kini sa Cebu ug maayo nalang matud pa nga wala sila nagsugat.
Nalipay na usab kini human nga una na nga gipasaligan ni PBGen Debold Sinas, ang RD sa PRO-7 nga tabangan siya ug ugaling di gyud musurender si Aznar.
Mensahe usab ni Chiong sa mga wala pa mi-surender nga mutahan nalang gyud sa ilang kaugalingon tungod kay nanganti na ang presidente nga pamatyon kini og magmagahi.
Kahinumduman nga unang misurrender ang 3 sa Chiong 7 nga nakagawas tungod sa GCTA.
Samtang, naglaum usab si Chiong nga dunay mahimong kausaban ug kaayohan sa Bureau of Corrections (BuCor) karon nga bago na ang head niini nga mao si Gerald Bantag kinsang kanhi Manila City Jail Warden.
Matud ni Chiong nga tagaan kini og tsansa tungod kay naa man usab kini experience dili sama ni kanhi BuCor Chif Nicanor Faeldon nga walay experience.
