Anaa sa 24-oras nga pag-atiman sa doktor si Miss Universe Jamaica 2025, Dr. Gabrielle Henry, bisan paman nga dul-an tulo ka semana ang nilabay human siya natagak atol sa usa ka preliminary competition sa Thailand alang sa dili pa dugay nga nahumang MU 2025.
Ang aksidente nagbilin kaniya og intracranial hemorrhage, bali, pilas sa nawong, ug uban pang mga kadaot, ug gilauman nga mobalik siya sa Jamaica kung makompleto na ang iyang dugang nga pagtambal.
Samtang ang Miss Universe Organization (MUO) sa sinugdanan miangkon sa hingpit nga responsibilidad sa insidente ug miingon nga kini ang mobayad sa tanan nga gasto sa iyang medikal nga pagtambal.
Si Gabrielle ug ang iyang pamilya nagpasalamat sa MUO, mga tigpaluyo, ug sa internasyonal nga mga komunidad sa Miss Universe, samtang ang organisasyon nagpasalig nga ang beauty queen dili responsable sa aksidente.
