Mitanyag ang lider sa militar sa Myanmar nga si Min Aung Hlaing og diplomasya sa unang higayon human ang nasud nahiagom sa 7.7 magnitude nga linog nga mipatay sa kapin 2,700 ka mga tawo.
Nasayran nga gisirad-an kini human sa iyang kudeta niadtong 2021.
Nangandam si Min Aung Hlaing alang sa usa ka talagsaon nga pagbisita sa summit sa Thailand, samtang ang iyang mga opisyal naghikay usab og mga miting sa ubang mga lider sa nagkalain-laing nasud.
Bisan kung dili pa sigurado kung motambong ba siya sa BISTRE summit sa Bangkok, kay nahinabi na hinuon niini sila si Chinese President Xi Jinping, Prime Minister Narendra Modi sa India, ug Malaysian Prime Minister Anwar Ibrahim.
Diin ang mga pakigpulong miresulta sa usa ka diplomasya sa pagpadala sa internasyonal nga tabang.
Bisan kung gidawat sa junta ang internasyonal nga tabang, ang mga diplomat nagtaho nga gilimitahan niini ang pag-access sa tabang alang sa mga sibilyan ug kaatbang nga mga grupo.
Samtang, nagpadayon ang opensiba sa militar bisan pa sa panawagan alang sa ceasefire.
