Myanmar, mideklarar og 1 ka semana nga national mourning tungod sa linog

Gisugdan na sa Myanmar ang usa ka semana sa nasudnong pagbangotan human sa kusog nga linog nga nipatay og kapin sa 2,000 ka mga tawo.

Gahapong adlawa, giisa ang half-mast sa ilang watawat hangtud kini ngadto sa Abril 6.

Ang nasangpit nga kalihokan maoy pagpadayag sa simpatiya sa mga nawad-an sa ilang kinabuhi ug naguba nga mga panimalay tungod sa magnitude 7.7 nga linog.

Sa pagkakaron, padayon gihapon ang mga paningkamot sa pagluwas alang sa daghang mga biktima nga natabunan ilawom sa nahugno nga mga building.

Samtang ang ubang mga nasud nakatabang usab sa pagpadali sa mga paningkamot sa pagluwas sa lugar.