Gipasalig sa aktres nga si Nadine Lustre nga anaa ang iyang suporta kang Naga City Mayor ug kanhi Bise Presidente Leni Robredo, kon modesisyon siya nga modagan pagka-Presidente sa 2028.
Niadtong Oktubre, si Robredo miingon nga “unfair” alang kang Naga kon gamiton niya ang iyang posisyon isip “jump-off point” sa eleksyon.
Apan alang kang Nadine, “sometimes, the best Presidents are those who don’t want to run.” Dugang niya nga kon mausab ang hunahuna ni Robredo ug modagan pag-usab, siguradong suportahan ug i-endorso niya kini.
“There’s no question about that. For me, she’s really the best candidate for the Presidency,” ingon ni Nadine.
Niadtong Pebrero 5, daghang mga dagkong partido sa oposisyon, lakip si Robredo, ang nagpahigayon og miting. Sa dihang gipangutana kon giisip pa ba siya nga usa ka frontrunner alang sa 2028, si Senador Bam Aquino miingon, “Siyempre maraming nagnanais na tumakbo siya, but you have to ask her also kung anong plano niya.”
Samtang, si Mamamayang Liberal Party List Representative Leila de Lima miingon nga naglaum siya nga hunahunaon pag-usab ni Robredo ang iyang desisyon nga modagan pagka-Presidente.
“We’re not losing hope na magbabago pa ang desisyon ni VP Leni na tumakbo ulit sa 2028. As for me, she’s the most winnable among potential opposition candidates,” ingon ni De Lima.
Dugang pa sa Kongresista, “Pag mayroong clean and good governance, mababawasan significantly… at least it will be significantly reduced for sure kapag ang isang leader ay tunay na pinapairal ang clean and good governance.”
Gihimo nila ni Nadine ug De Lima ang pahayag sa House kagahapon, human sa pagsang-at og mga balaodnon nga nagtinguha sa pagtukod og Animal Welfare Desks sa tanang estasyon sa pulis ug paghimo og Animal Welfare Ombudsman Unit aron mapalig-on ang pagpatuman sa mga balaod sa kaayohan sa hayop.
