GIPASIGARBO sa Cebu City Tourism Commission ang nagkalambo nga turismo sa dakbayan sa Sugbo.
Gipahibalu ni Atty. Joy Pisquera, ang chairwoman sa Cebu City Tourism Commission, nga nagkataas ang ihap sa mga turista nga mibisita sa mga tourist spot dinhi sa dakbayan.
Nag-una sa maong mga turista ang mga Koreans, Chinese ug Japanese, ingun man ang lokal nga mga turista.
Matud ni Atty. Pisquera nga gawas sa mga Asians, ilahang gipaningkamutan karun nga musulod usab sa dakbayan ang mga Europeans ingun man mga langyaw sa western countries kinsang giingung kadaghanan ang masangit lang sa nasud nga Thailand
Gibutyag niini nga gitutukan karun sa ilahang buhatan ang eco-tourism ilabi na nga kadaghanan karun sa mga gipalambo nga bisitahun sa mga turista mao man ang bukirang barangay susama na lang sa Barangay Sirao diin anaa ang flower garden, ingun man ang Barangay Buot nga adunay natural nga cave, falls ingun man sapa alang unya sa ‘river rafting’.
Apan giangkun ni Pisquera nga gikinahanglan pa nila ang dugang nga pagtuon, ingun man ang pagpangandam pa sa ubang aspeto una nga mang-ingganyo ug daghang turista.
