Gipankarga ug gipanghakot ang gituohang mga gamit ni House Speaker Martin Romualdez, pagawas sa iyang buhatan kagahapon sa gabii, Setyembre 16, 2025.
Samtang, adunay ubay-ubay usab nga mga tinubdan sa Kamara ang nagkumpirma nga si Isabela Rep. Bodjie Dy mao ang napili isip hulip kang Speaker karong adlawa, Miyerkules, Setyembre 17.
Matod pa nga si Romualdez makigtagbo usab sa mga lider sa partido sa sayo pa aron kumpirmahon ang nahisgotang lakang, ug ang mga partido gikatakdang makigtagbo kang Rep. Dy karong adlawa sa buntag hangtod sa pagsugod sa sesyon.
Sa pikas bahin, nihatag usab og pamahayag ug sa iyang habig si Navotas Representative Toby Tiangco,diin matod niya, kung ugaling ilisan ang House Speaker, kinahanglang iapil usab ang mga house leaders.
Ang maong mga kalihokan ug kakugang sa kamara nitumaw usa ka semana human ang mga kontraktor sa gobyerno nga sila si Sarah ug Curlee Discaya naglambigit kang Romualdez ug ubang mga kongresista sa giingong mga anomaliya sa mga flood control projects nga ilang kusganong gipanghimakak.
Nag ingun usab si Presidente Ferdinand Marcos Jr. kaniadtong Lunes nga ang iyang ig-agaw nga si Romualdez ug ilang mga kaalyado sa Kongreso dili maluwas gikan sa usa ka independente nga imbestigasyon sa mga anomaliya sa imprastraktura sa niaging dekada
