Nagsugod na sa pagsusi ang National Bureau of Investigation-7 sa mga flood control projects sa Central Visayas.
Diin usa sa tulo ka team nga giumol sa NBI-7 ang misusi sa mga flood control project sa Brgy. Bonbon, bukirang barangay sa dakbayan sa Sugbo maoy unang gisubay ug nasuta nga adunay phase1, phase2, ug phase3 nga mga flood control project nga giingong na turn-over na kini apan wala pa mahuman ang maong proyekto samtamg ang ikaduhang gisusi ang nahimutang sa Brgy. Biasong.
Kini subay sa mando ni Atty. Renan Oliva, ang regional director sa NBI 7 nga mobuhat og inspection sa nagkadaiyang flood control project sa rehiyon 7, kini haron masuta kung aduna bay mga mga substandard ug ghost project.
Ingon man nga nunot kini sa nakuhang impormasyon nga kinahanglang susihon basi usab sa datos.
Gibutyag usab ni Atty. Oliva nga kon gani aduna silay makit-an nga mga kakulian sa nahisgutang mga proyekto mohimo dayon sila og lakang sa pag-paabot sa buhatan sa DOJ aron ila kining ma-imbistigahan.
Matud pa nga adunay upat ka managlahing contraktor ang nag-construct sa kinatibuk-an sa manga river. | via Bombo Koky Cabatingan
