Gibutyag ni NBI Director Melvin Matibag atol sa impeachment trial nga ang ilang ahensya aduna nay mga person of interest nga posibleng magtudlo sa tawo nga giingong gikaistorya ni Bise Presidente Sara Duterte aron ipatuman ang pagpatay kang Presidente Ferdinand “Bongbong” Marcos Jr., First lady Liza Araneta-Marcos, ug kanhi House Speaker Martin Romualdez.
Mahinumduman nga ang pamahayag ni VP Duterte nga kon adunay mopatay kaniya, ang tawo nga iyang gikaistorya daw mosugot nga patyon usab ang first couple ug ang kanhi House speaker.
Ingon man nga nagdumili siya sa pagbutyag sa ilang mga identidad aron mapanalipdan ang mga informants ug aron dili maapektuhan ang imbestigasyon.
Ang maong pamahayag kabahin sa Artikulo IV sa impeachment complaint nga naghisgot bahin sa giingong grabeng mga hulga ug pagdasig sa sedisyon.
Gipahayag kaniadto sa NBI nga ang mga hulga ni Duterte usa ka “seryoso, aktibo, ug padayon nga hulga” nga adunay potensyal nga makahatag og tinuod nga risgo sa nasudnong seguridad.
Sa kinatibuk-an, ang pagtungha sa mga persons of interest nagdugang sa gibug-aton sa imbestigasyon sa NBI ug mahimong yawe sa pagbutyag sa kamatuoran luyo sa mga alegasyon batok kang VP Sara Duterte.
