Gisiguro ni National Bureau of Investigation (NBI) Director Melvin Matibag nga motambong siya sa impeachment hearing sa House Justice Committee batok kang Bise Presidente Sara Duterte nga gikatakda sa Abril 14.
Una nga giimbitar sa komite ang opisyal, ug sa ulahi gi-subpoena ang mga rekord sa imbestigasyon nga may kalabotan sa giingong mga hulga ni VP Sara batok kang President Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
Sumala ni Matibag, andam siyang mosumite sa House Committee on Justice sa tanang dokumento nga gipangayo, lakip ang certified true copies sa mga rekord sa imbestigasyon.
Base sa miaging report sa NBI, girekomenda sa ahensya sa Department of Justice nga si VP Sara pasakaan og kasong grave threats ug inciting to sedition.
Gisugdan ang imbestigasyon atol sa pagpangulo ni kanhi Judge Jaime Santiago isip hepe sa NBI, sa wala pa mopuli si Matibag.
Gawas kang Matibag, lima pa ang gikataho nga gipatawag sa House panel aron pagkuha og mga pahayag.
Apil niini ang usa sa mga defense counsel sa VP, si Atty. Michael Poa.
