Gipanghimakak sa National Bureau of Investigation (NBI) nga sila ang nagpaluyo sa pag-atake sa Senado kalabot sa giingong pag-aresto kang Senador Ronald “Bato” Dela Rosa taliwala sa tensyon ug sunod-sunod nga mga buto sa armas niadtong Miyerkules sa gabii.
Matud ni NBI Director Melvin Matibag nga wala siya moadto sa Senado human sila gimandoan nga ihunong ang operasyon.
Giklaro usab sa opisyal nga walay mga ahente sa NBI ang anaa sa sulod sa Senado sa dihang nahitabo ang insidente. Diin ang ilang presensya gihangyo lamang aron susihon ang seguridad sa palibot sa Senate building.
Dugang nga gipasabot ni Matibag nga nakadawat siya og tawag gikan kang Senador Loren Legarda bahin sa giingong presensya sa mga armadong ahente sa NBI sa Senado apan gipanghimakak kini sa opisyal.
Gidugang sa hepe sa NBI nga wala sila nag-isyu og warrant aron dakpon si Dela Rosa ug miinsistir nga “100 porsyento” nga walay operasyon ang NBI sa Senado kagabii.
