Sa ika-18 nga sunodsunod nga higayon, giila ang delegasyon sa National Capital Region (NCR) nga overall champion sa Palarong Pambansa 2025.
Kini human nakahakot kini og 117 ka gold medals, 70 ka silver ug 50 ka bronze medals sa kinatibuk-ang 237 medals garnered.
Gisundan kini sa CALABARZON ug Western Visayas aron madala ang ikaduha ug ikatulo nga puwesto sa Palaro nga nahitabo sa Ilocos Norte.
Sa laing bahin, malampusong nasakmit sa Western Visayas ang unang puwesto sa Para Games category nga adunay nakuhang 23 ka gold medals, 21 ka silver, ug 14 ka bronze medals nga sa kinatibuk-an adunay 58 ka medalyang nakuha sa maong torneyo.
Ang CALABARZON ug SOCSKSARGEN anaa usab sa top 3 sa medal tally sa Para Games.
Sa unang higayon nga ang weightlifting gilakip isip demo sport, ang Zamboanga Peninsula maoy nanghawod human nakadala og 4 ka gold medals, 2 ka silver ug 1 ka bronze medals sa kinatibuk-ang 7 ka medalya ang nalangkat.
Gisundan kini sa CALABARZON ug Central Visayas nga parehong adunay tulo ka bulawang medalya sa maong torneyo.
