CEBU CITY-Nipasangil ang usa negusyante ginganlan og Jason Montero Co, 49-anyos nga upat ka mga armadong tawo ang nikidnap sa niini ug duha ka katabang nga uban niini ug gikawatan kini og P100,000 samtang sila namalit sa Carbon Public Market niadtong niaging buwan.
Matod ni Col. Ireneo Dalogdog, Direktor sa Cebu City Police Office (CCPO) nga ilahang nasuta sa footage sa CCTV camera nga walay nahitabo nga pagpanulis sa bisan asa sa tulo ka mga dapit nga gitumbok ni Jason Montero Co.
Gumikan niini, pasakaan og kasong perjury sa kapolisan si Co, sanglit nag-imbento lang kini og mga estorya.
Paluyohan sa kapulisan ang mga testimonya sa mga empleyado niini nga gisugo lang sila sa niini nga mo sabay sa plano.
Karun, dili na makita sa iyahang giabangan nga apartment sa Isla Alegre, Barangay Basak San Nicolas, Cebu City ang negosyante.
Apan, padayun nga nag-andam sa mga gikinahanglan nga mga dokumento ang mga kapulisan aron sa pagfile sa kasong perjury under Article 183 of the Revised Penal Code.
Gituohan Ni Col. Ireneo Dalogdog nga nagbuhatbuhat og istorya si Co alang sa pagtabon sa dako nga utang sa fake cigarette business niini sa Mindanao.
Nasuta sa CCPO ang background investigation niini sa gimonitor sa kapulisan si Co sa giingong kalambigitan niini sa pagpalusot og peke nga sigarilyo dinhi sa Sugbo.
