METRO MANILA-Gitudlo ni Presidente Ferdinand R. Marcos Jr. si Negros Occidental Rep. Jose Francisco Bantug Benitez isip bag-ong Director General sa Technical Education and Skills Development Authority (TESDA).
Sa wala pa matudlo isip hepe sa TESDA, siya ang pangulo sa House Committee on housing and urban development sa House of the Representatives.
Nahimo usab siya nga vice-chairman sa special committee on creative industries and performing arts.
Una nang nikanaug sa katungdanan ang kadagkoan sa ahensya sa miaging buwan tungod sa umaabot nga eleksyon.
Matod ni Sec. Suharto “Teng” Mangudadatu, nanamilit siya kang Presidente Ferdinand Marcos Jr. sa dili pa mokanaog sa posisyon.
Gitataw ni Mangudadatu nga magpadayon siya sa pagtabang kutob sa iyang mahimo sa administrasyong Marcos o bisan sa bag-ong pamunoan sa TESDA.
