CEBU –Nakaabot na sa 70 porsiyento sa pagpamakuna sa target population ang Central Visayas kung diin natala nga adunay pinakamubo nga vaccination rate ang Negros Oriental.
Sumala sa Department of Health sa Central Visayas (DOH-7), anaa na sa 71.79 porsiyento ang nakab-ot sa pagpamakuna sa rehiyon apan matod ni DOH-7 director Dr. Jaime Bernadas, ang maong gidaghanon kulang pa alang sa ‘herd immunity’ human gipatas-an ang target ngadto sa 80 porsiyento.
Matod ni Dr. Van Philip Baton, program manager sa DOH-7’s Emerging and Re-emerging Infectious Diseases, ang Siquijor ang kasamtangang adunay pinakataas nga COVID-19 vaccination coverage rate nga anaa na sa 91.52 porsiyento, gisundan sa Bohol nga adunay 71.55 porsiyento, ug Cebu nga 64.44 samtang ang Negros Oriental anaa lamang sa 57.50 porsiyento.
