Gideklarar sa World Health Organization (WHO) nga malampusong nawagtang na sa Nepal ang rubella virus nga naghatag og kabalaka sa panglawas sa publiko.
Ang Rubella virus usa ka makatakod nga sakit nga labi ka delikado alang sa mga mabdos, apan kini mapugngan pinaagi sa luwas ug barato nga pagpa-bakuna.
Sumala sa WHO, ang kalampusan sa Nepal resulta sa lig-on nga liderato, dedikasyon sa mga health worker ug mga boluntaryo, ug suporta gikan sa mga komunidad.
Gikan sa 2012 ngadto sa 2024, ang Nepal nagpahigayon og upat ka nasudnong programa sa pagbakuna batok sa rubella, nga nakab-ot ang labaw sa 95% nga coverage.
Ang Nepal mao ang ikaunom nga nasud sa WHO South-East Asia Region nga nakab-ot ang rubella elimination, sunod sa Bhutan, Korea, Maldives, Sri Lanka, ug Timor-Leste.
Gigamit sa Nepal ang mga bag-o ug epektibo nga mga estratehiya sama sa ‘immunization month’ ug bag-ong mga algorithm sa pagsulay sa laboratoryo alang sa mas lig-on nga pagbantay.
Ang WHO ug Gavi nagpadayon sa pagsuporta sa Nepal, ug ang gobyerno nanawagan sa tanang sektor nga ipadayon ang ilang mga paningkamot sa pagpanalipod sa matag bata.
