Giduso ni Israeli Prime Minister Benjamin Netanyahu ang usa ka ‘military solution’ aron maluwas ang gibanabana nga 20 ka mga nahabilin nga hostage nga gihuptan gihapon sa Hamas sukad kaniadtong Oktubre 7, 2023.
Sumala sa taho, usa ka opisyal sa Israel ang nag-ingon nga ang relasyon tali sa Israel ug Estados Unidos nagpadayon, tungod kay ang Hamas klaro nga dili interesado sa usa ka kasabutan nga buhian ang mga hostage sa Israel.
Tungod niini, nagtinguha si Netanyahu nga palapdan ang mga operasyon militar sa Gaza aron mapugos ang pagpagawas sa mga hostage.
Kahinumdoman nga liboan ka mga tawo ang nagprotesta sa Tel Aviv niadtong Sabado aron idemanda sa gobyerno nga tapuson ang gubat ug ibalik dayon ang nahabilin nga mga hostage.
Sa susamang higayon, ang internasyonal nga kabalaka niuswag sa nagkagrabeng krisis sa kagutom sa Gaza. Sumala sa Gaza Health Ministry nga gipadagan sa Hamas, kapin sa 175 ka mga tawo, lakip ang 93 ka mga bata, ang namatay tungod sa malnutrisyon.
Bisan tuod ang Israel niinsistir nga nagdala kini og igo nga humanitarian aid, ang internasyonal nga mga organisasyon nag-ingon nga kini dili igo, ug ang pipila ka mga dapit sa Gaza nameligro sa gutom.
