Gitun-an sa National Food Authority ang posibilidad sa pag-abang sa mga pribadong bodega o temporaryo nga paghuwam sa mga storage facilities gikan sa mga lokal nga gobyerno ug kooperatiba.
Kini isip pagpangandam sa umaabot nga ting-ani karong ting-init.
Matud ni NFA Administrator Larry Lacson, nga ang mga palay stock kay kasamtangan ng gigiling gamit ang recovery rate nga 63%.
Kung kini mahuman, ang mga bodega mahimong ma-decongested ug ang storage space sa mga bodega ma-libre og hangtod sa 35%.
Sa pagkakaron, matud niya aduna nay mga LGU ug kooperatiba nga nipadayag sa ilang kaandam nga magpahulam sa ilang mga bodega.
Bisan ang mga lokal nga buhatan, nipadayag sa ilang kaandam nga makig-alayon sa mga lokal nga kooperatiba ug LGU aron temporaryong magamit ang ilang mga bodega.
Gipasabot ni Lacson nga nagpadayon sila sa pagpangita og mga paagi aron ma-accommodate ang dagkong volume sa bugas gikan sa mga mag-uuma ug matubag ang ilang mas taas nga buffer stock.
