Misang-at og not-guilty plea si President Nicolas Maduro sa Venezuela sa pag-atubang niini sa korte sa New York Southern District.
Nag-atubang siya og mga kaso lakip na ang narco-terrorism conspiracy ug paghupot og machine gun ug mga destructive device.
Ang iyang asawa, si Cilia Flores, misang-at usab og not guilty plea.
Giubanan sila sa ilang abogado, nga si Atty. Barry Joel Pollack, kinsa mao usab ang legal nga representante sa founder sa Wikileaks nga si Julian Assange.
Giinsistir ni Maduro nga siya inosente, dili sad-an, disente ug presidente gihapon sa iyang nasud.
Gipangutana siya sa huwes sa korte ug miingon siya nga siya gihapon ang presidente sa Venezuela nga gidagit ug karon usa ka prisoner of war.
Ang sunod nga husay sa kaso gitakda sa Marso 17.
Hugot usab ang seguridad sa palibot sa korte tungod kay puno kini sa pro-Trump protesters.
