-- ADVERTISEMENT --
CEBU – Giawhag sa warden sa Cebu City Jail ang Konseho sa Dakbayan sa Sugbo ngsa daling aprobahan ang ilang hangyo nga makapalabang og ordinansa nga magdeklarar nga “no fly zone” sa area nga duol sa duha ka jail facilities nga nahimutang sa Barangay Kalunasan.
Sumala pa ni Jail Superintendent Jose Rusylvi Abueva, warden Cebu City Jail, nga aduna na silay giduso nga hangyo ngadto sa Sangguniang Panlungsod nga magdili pagpalupad og drone sa City Jail ug Cebu Provincial Detention and Rehabilitation Center (CPDRC).
Ang drone usa ka “unmanned aerial vehicle” nga sagad gigamit sa photography.
Matod pa ni Abueva nga sila nagduda nga gihimo kining paagi sa paghatod og kontrabando o druga ngadto sa Persons Deprived of Liberty (PDL).
