CEBU CITY — Nalubong na ang oarfish kun “liwit” nga nakaplagan sa may Brgy. Poblacion seafront seaside area sa lungsod sa Compostela probinsya sa Sugbo.
Matud sa Local Disaster Officer sa maong lungsod nga si Joy Ann Lauron nga tungod sa kapiyestahan ni San Juan ubay-ubay ang nangaligo og dagat kung diin nagpahigayon usab sila of fluvial procession.
Apan human niini, nakaplagan sa mga residente ang usa ka oarfish nga daw sama nga nagluya sa kabatoan sa naasoy nga dapit.
Gisuwayan nila og salbar ang maong isda apan sa ilang pagbira, natangtang hinoon ang ulo niini.
Sigon usab sa BFAR nga posibleng nasakit ang maong mananap mao nga nagluya na hayan tambag nila nga ipalubong nalang og dili na ipakaon sa mga residente.
Dunay gitas-on nga 13.9 feet ang maong oarfish. Kini na usab ang ika tulo nga higayon nga dunay midagsa nga oarfish sa maong dapit.
Nasayran nga sigon sa pagtoo-too, ang oarfish ang timailhan nga dunay umaabot nga katalagman kung kini mutumaw ug makit-an sa baybayon.
Apan wala matud pay kumo sa pag-ampo sigon ni Lauron aron nga malikayan ang mga dautang mahitabo.
