CENTRAL VISAYAS- Naapektohan ang daghang mga indibidwal sa Central Visayas subay sa Bagyong Crising nga nisulod sa Nasud.
Sa pakighinabi sa Bombo Newsteam, mitino si Joel S. Erestain, ang Regional Director sa Office of Civil Defense sa Region 7 (Central Visayas), nga daghang indibidwal ang naapektohan sa pagsulod sa Bagyong Crising sa nasud.
Base sa ilang pinakabag-ong monitoring, daghan ang naapektohan apan padayon pa ang ilang assessment sa gidak-on sa kadaot.
Matod ni Erestain, may kasinatian nga mga pag-ulan ug pipila ka mga pagbaha, ilabi na sa ubos nga mga lugar.
Bisan pa man niini, wala kini nakaresulta og dako nga kadaot sa mga imprastraktura ug wala usab natala nga kaswalti.
Gipadayag usab sa opisyal nga padayon ang ilang assessment kauban ang lokal nga mga buhatan sa Disaster Risk Reduction and Management (DRRM).
Gihangop usab sa opisyal ang umaabot nga Disaster Risk Reduction Regional Student Olympics nga ipahigayon sa Sugbo karong Hulyo 26.
Ang Regional Student Olympics usa ka paagi sa pag-apil sa mga batan-on sa pagpangandam sa kalamidad sa usa ka makalingaw, interactive, ug edukasyonal nga paagi.
