Gipaambit sa Office of Civil Defense nga dili pa andam ang Pilipinas sa magnitude 7.7 nga linog sama sa miigo sa Myanmar sa miaging semana.
Matod ni OCD Undersecretary Ariel Nepomuceno, nga kinahanglang mangandam ang kagamhanan sa Pilipinas sa maong mga katalagman.
Diin mikalas na kini og kapin sa 2,000 ka kinabuhi ug grabe nga danyos gikan sa mga nangaguba nga estraktura sa Myanmar.
Gitumbok ni Nepomuceno nga adunay duha ka ang-ang sa pagpangandam sa dagkong linog, kini mao ang pagsunod sa “duck, cover, and hold” ug mga solusyon sa engineering nga nagtumong sa paghimo sa mga istruktura nga dili makasugakod sa linog.
Matud niini nga kinahanglan usab nga i-retrofit ang mga eskwelahan ug health centers.
Ang maong pamahayag nagsunod sa mga kapeligrohan sa Marikina West Valley fault ug sa Manila Trench Fault, nga posibleng makapahinabog dakong linog ug tsunami.
Gipahinumdoman usab ni Nepomuceno ang mga Filipino nga susihon ang hazardhunter.ph aron masuta kon duol ba sila sa fault lines o landslide-prone areas.
Girekomenda usab niini ang pagsiguro nga kompleto ang mga permiso alang sa pagtukod sa balay ug dili mag-shortcut sa mga proseso niini.
