Mosang-at og petisyon sa korte ang mga officer sa United Mabolo Elderly Organization batok sa Cebu City Government og Sangguniang Panlungsod kini kabahin sa hisgutanan sa monthly cash assistance sa mga senior citizens.
Sa nahimong pamahayag ni Kapitan sa Brgy. Mabolo nga si Daniel Arguedo iyahang gitataw nga dili niya kini kagustohan nga mosang-at sa Petition for Declaratory Relief apan, ang mga yangu-ngo sa mga katiguwangan sa barangay nga iyang gisakopan nga dili sila uyon sa binuwan nga pagpanghatag sa hinabang.
Dugang niya nga nunot niining binuwan nga releasing, gikinahanglan usab nga i-revisit ang rules sa ordinansa og kung nganung dili ma-authorized ang mga authorization letter nga gihimo sa mga senior citizen kinsa dili kunhod na og kapasidad sa pag-lakaw, bisan paman nga ilahang pusosong kabanay ra ang gimandoan o gipadala sa maong letter.
Gitino usab ni Arguedo og nganung supak ang mga senior citizen sa binuwan nga hinabang kay nakadala lang kini og hasol sa pagbalik-balik kada buwan, ilabi na kadtong mga benipesyaryo nga wala sa duol nga gitagang dapit sa pagpanghatag.
Busa, gusto nila nga dili binuwanon ang pagpahatag ug mas maayo nga tingbun nalang.
Kahinomdoman nga karong buwana, gisugdan na sa pagpahamtang ang pagpang apod-apod sa P1,000 nga cash assistance sa mga senior citizens, kinsa kanhi quarterly ang pagpanghatag kaniadto sa matag buwan, diin adunay sumatotal nga P3,000 matag human sa tulo ka bulan.
