CEBU CITY- Nasaag ang usa ka official ballot gikan matud pa sa Antique sa precinto sa Canjulao Elementary School dakbayan sa Lapu-lapu, Cebu.
Una niini, usa ka botante nga giilang si Ricardo Dungog ang nahibulong tungod kay matud pa lahi na ang pangalan sa Mayoralty Candidate ug mga local candidate sa naasoy nga balota.
Sa dihang gihiling kini sa mga Electoral Board nasuta nga gikan kini sa Jaguikican, Laua-an, Antique. Samtang aduna usab 120 official ballots nga gikan sa lungsod sa Alborqerque probinsya sa Bohol ang nasaag sa Cordova, Cebu.
Samtang n nagkaproblema usab ang mga Voter’s Registration Verification Machine (VRVM) nga gigamit sa mga polling precints. Hapit tanan matud pa nga VRVM sa mga polling precints sa Cebu ang nag-function.
Bisan paman sa gipahigayong Final Testing ug replacement sa mga Vote Counting Machine (VCM) duna gihapoy wala migana.
Gisiguro usab ni City Election Officer Atty. Macher Sarno nga masulosyan dayon ang replacement VCM.
Muabot sa 75 ka mga Voters Registration Verification Machine (VRVM ) ug 55 ka mga Vote Counting Machine (VCM) ang mi palya atol sa pag-abli sa polling precincts sa Rehiyon-7.
