Olympic ring, temporaryong gipatangtang sa Eiffel Tower

Temporaryo nga gitangtang sa Paris ang logo sa Olympics nga unang gibutang sa Eiffel Tower.

Kini nunot sa pagsaway sa giingong pagpasipala sa iconic landmark sa Paris, nga mao ang Eiffel tower.

Si Paris Mayor Anne Hidalgo miingon nga maghimo lang kini og bag-ong Olympic rings ug ibalik kini sa sikat nga landmark.

Gibutang ang Olympic rings isip handumanan sa ilang pag-host sa makasaysayanong Paris Olympics.

Bisan pa man og una nang niingon ang mayor nga permanente na kini, apan iyang gisugyot nga didto na lang kini ibutang hangtod nga magsugod ang Olympics sa Los Angeles sa 2028.