Nipasaka og kaso ang hip-hop artist nga si Omar Manzano o mas nailhan nga Omar Baliw batok sa napriso nga si Pastor Apollo Quiboloy.
Diin kasong copyright infringement ang gipasaka sa rapper sa Pasig Regional Trial Court.
Matod sa iyang abogado nga si Atty. Jeanne Castillo Anarna, nga ang criminal complaint tungod sa paggamit ni Quiboloy sa K&B nga kanta sa iyang kampanya o political jingle.
Dugang pa ni Anarna nga gigamit ang kanta sa publiko, diin ang rapper gipulihan nga wala niya nahibal-an.
Gikasuhan usab niini si SMNI President Dr. Marlon Rosette.
Sa habig ni Quiboloy, si Atty. Israelito Torreon niingon nga andam silang motubag sa kaso sa korte.
Una nang niingon ang Filipino Society of Composers, Authors and Publishers (FILSCAP) ug Intellectual Property Office of the Philippines nga kinahanglang mananghid ang mga kandidato kung gani mogamit og bisan unsang kanta sa singer para sa ilang kampanya.
Bisan kinsa nga kandidato nga mapamatud-an nga sad-an mag-atubang og disqualification o kasong kriminal ubos sa Republic Act 8293.
