Plano sa Office of the Ombudsman nga ipatawag dayon si Zaldy Co kon siya ibalik sa Pilipinas.
Sumala ni Ombudsman Jesus Crispin Remulla, si Co kinahanglan nga makapasabot sa iyang kalambigitan sa flood control scandal, ug matubag ang tanang alegasyon kon siya ibalik sa nasud.
Matod niya nga ang kustodiya sa Ombudsman kang Co importante alang sa nagpadayon nga imbestigasyon ug pag-uswag sa kaso, lakip na ang pagsuta sa mga kaso nga naglibot sa anomaliya sa flood control.
Kasamtangang nag-atubang si Zaldy Co og mga kaso sa gratuity ug malversation tungod sa pagkadiskobre sa mga anomaliya nga proyekto sa imprastraktura sa publiko nga direktang nalambigit kaniya.
Ingon man nga sa pagkakaron, dili klaro kon asa si Co, bisan pa sa miaging pahibalo ni Pres. Ferdinand Marcos Jr. nga siya gi-intercept sa mga opisyal sa imigrasyon sa Czech Republic sa miaging semana.
Usa ka team nga gipangulohan ni Department of Justice Sec. Frederick Vida ang mikumpirma sa report ug nag-arrange sa iyang posibleng pagbalik sa Pilipinas.
