Gidakop sa National Bureau of Investigation (NBI) ang online media personality nga si Franco Mabanta karung adlawa Miyerkules, Mayo 6, human sa giingong pagsulay niya sa pagpangilkil kang kanhi House Speaker Martin Romualdez.
Sumala ni NBI Director Melvin Matibag, si Mabanta gidakop atol sa usa ka giplanong entrapment operation.
Base sa report, giingong misulay si Mabanta sa pagpangilkil og ₱350 milyon gikan kang Romualdez baylo sa dili pagpagawas sa mga video nga giingong anaa kaniya nga naglambigit sa kongresista sa flood control scandal pinaagi sa Peanut Gallery Media Network.
Ang operasyon miresulta sa iyang pagkadakop human daw makadawat og ₱300 milyon nga marked money.
Gikatakdang mopahigayon ang NBI og press conference karong adlawa aron maghatag og dugang detalye sa pagkadakop ni Mabanta.
