asakmit sa mga sakop sa Bureau of Customs (BOC) Port of Cebu pinaagi sa Mactan subport ang usa ka dosena sa mga package nga adunay sulod sa 247 ka mga units sa branded mobile phones niadtong adlawng Sabado, Enero 31, 2026.
Sumala sa BOC Cebu nga ang nasakmti nga shipment kay adunay gibana-banang balor sa P1,679,617 nga gikan sa China.
Matod sa report nga ang shipment kay gideklarar nga “personal effects” apan gi-rekomendar kini sa physical examination human sa kwestiyonableng Xray images ang na-detect. Sa maong physical examination sa mga sakop sa Customs Intelligence and Investigation Service, Enforcement and Security Service, X-ray Inspection Project nakita niini ang mga undeclared commercial quantities sa mga mobile phones nga wala mihaom sa declaration sa mga packages.
Daling miisyu og Warrant of Seizure and Detention (WSD) si District Collector Alexandra Yap-Lumontad sa kalapasan sa kargamento sa Customs Modernization and Tariff Act (RA 10863).
Samtang mipahayag si Mactan Port Collector Gerardo A. Campo nga ang pagkadiskubre sa smuggling modus kay mugna sa ilang mas gipakusog nga koordinasyon sa ubang opisina sa pantalan.
Ingon man nga ang maong pagkasikop sa kargamento kay gidayeg ni Customs Commissioner Ariel F. Nepomuceno batok sa malimbogon modus sa mga smuggled nga produkto.
