P1.7M halaga ng shabu, nasakmit sa buybust operation sa Consolacion, Cebu

Cebu City- Mukabat sa P1.7 million ang kantidad sa shabu nga nasakmit sa kapulisan sa gipahigayon nga buybust operation sa Purok 1, Brgy Nangka, lungsod sa Consolacion , Cebu.

Sikop sa maong operasyon sila si Rosemarie Caballero, 35 anyos minyo ug residente sa Brgy Basak , dakbayan sa Mandaue ug Ulrich Guaca , 38 anyos , ulitawo ug residente sa Purok 1, Brgy Nangka, lungsod sa Consolacion.

Nakuha sa duruha ang 30 ka mga medium nga pakete sa shabu, 11 ka mga gagmayng pakete sa shabu, P1,000 nga marked money ug P 10,000 nga gituohang halin sa iligal nga drogas.

Natanggong na karon sa Consolacion lock-up cell ang mga dinakpan ug nakatakdang pasakaan ug kasong my kalambigitan sa paghupot ug pagbaligya sa iligal nga drogas.