CEBU – Nasakmit sa mga polis sa dakbayan sa Sugbo ang kinatibuk-ang 1.7 kilos nga gituohang shabu nga mobalor og P11.5 milyones gikan sa 58 ka mga suspek atol sa sunod-sunod nga buy-bust operations nga gihimo niadtong Nobiyembre 28 hangtod Disyembre 4, 2022.
Kini ang gipahabalo ni Police Colonel Ireneo Dalogdog ang hepe sa Cebu City Police Office, nga ang labing dako nilang paghakot sa drugas nahitabo niadtong Disyembre 3 human nila nasakmit ang mga usa ka kilo nga ‘shabu’ nga mobalor og P6.4 milyones sa Barangay Tejero.
Nasikop usab sa kapolisan si Edzard Plango, 32, residente sa Barangay Sawang Calero atol sa maong operasyon.
Dugang pa sa opisyal nga sa ilahang operasyon sa Anti-Illegal Gambling adunay 51 possitive operation ug adunay 109 ang nadakpan ug nasakmit ang 6,154 bit money.
Samtang sa Loose Firearms adunay gipahigayun nga 15 operasyon kung diin adunay nadakpan nga 8-personalities ug nakarecover ug 12-firearms recovery ug 7-explosives, samtang adunay 6,567 nga oplan katok operation ang gipahigayun.
Sa bahin sa Wanted Person adunay total nga 167-possitive manhunt operation ug nadakpan ang 10 most wanted person ug ang lain pang 24 most wanted persons.
