Gigahinan ug pondo ang Pantawid Pamilyang Pilipino Program kon 4ps ug dul-an sa P112.9 billion ubos sa balaud sa 2026 national budget.
Sukwahi alang sa Ayuda sa Kapos ang Kita Program o AKAP ubos sa 2026 National Expenditure Program o NEP.
Matud ni Budget Secretary Amenah Pangandaman nga aduna pay nahabilin nga pondo sa 2025 national budget, apan limitado lamang ang fiscal space hinungdan nga wala malakip ang AKAP sa gihatag nga pondo sa pagkakaron.
Gipasabot usab sa kalihim nga kapin sa P10 trillion ang orihinal nga kinatibuk-ang kantidad sa budget proposals gikan sa mga ahensya apan dili tanan ang nagahinan niini.
Matud ni House Committee on Appropriations Chairperson Mikaela Suansing nga wala pa mahisgoti sa Kamara ang AKAP apan ila kining ibase sa gisumitir nga NEP, apan gidepensahan sa Presidente ang pondo na gigahin sa 4Ps gumikan kay makatabang kini nga makahatag ug de kalidad nga kinabuhi ang dul-an sa 4.4 million nga mga marginazlied household beneficiaries.
Lakip sa mga hinabang nga ihatag mao ang cash grants, rice subsidy, enhanced support services intervention grants, cash grants alang sa unang 1000 ka adlaw nga health monitoring sa panahon sa pagmabdos hangtod nga ang bata magduha ka tuig. | Bombo Nathaniel Sandoval
