Aprobado na sa Cebu City Sangguniang Panlungsod ang gisugyot nga 2026 City Budget sa Kagamhanang Dakbayan nga miabot sa P13,414,555,703.
Kini ang gikabutyag ni Cebu City Councilor Dave Tumulak sa eksklusibong pakighinabi sa Bombo Radyo Cebu News Team diin saysay pa niini nga ang pag-aprobar sa maong budget kay aron magamit dayon kini ig takna Enero 2026 sa mga sanga sa ehekutibo sa Kagamhanang Dakbayan sa nagkadaiyang departamento ug buhatan niini isip pag-serbisyo sa mga Sugbuanon.
Ingon man nga sa kasayuran ni Tumulak kay wala pa kini nakahibalo kung napirmahan na ba ni Cebu City Mayor Nestor Archival Sr. ang maong budget apan hagbay na kini na-endosar sa Department of Budget and Management (DBM).
Dugang pa sa konsehal isip mao usab ang Chairman sa City Council Committee of Budget and Finance kay wala na silay nakatanggong nga item suka pa sa unang bahin ning buwan sa Disyembre sa pagtapos sa ilang budget deliberation.
