CEBU CITY-Mokabat sa 2 ka kilo sa gituohang shabu nga gibana-banang mobalor sa P13,600,000 ang nasakmit gikan sa usa ka welder sa gipahigayon nga buy-bust operation sa mga tinugyanan sa drugas sa Philippine Drug Enforcement Agency 7, inabagan sa Naval Forces Central, Regional Police Drug Enforcement Unit, Cebu City Police Office Station 10, ug PNP Drug Enforcement Group, sa Sitio Kamanggahan Barangay Labangon gahapon, Pebrero 12, 2025.
Giila ang suspek nga si Sherman, 40-anyos, welder, ug residente sa nahisgutang barangay.
Nasakmit atol sa operasyon ang duha (2) ka pakete sa shabu nga gibana-banang motimbang og 2,000 gramos, packaging materials, usa (1) ka cellular phone, ug usa (1) ka motorsiklo.
Gisumiter nasa PDEA 7 Regional Office Laboratory ang mga ebidensiya sa drugas gisumite na sa PDEA 7 alang sa chemical analysis ug saktong disposisyon.
Kasong paglapas sa Section 5 ug 11 ang ipasaka batok sa suspek.
Subay niini, mipahibalo si Lea Alcantara, ang tigpamaba sa PDEA 7 ngadto sa katawhan nga wala naundang ang ilang kampanya batok sa illegal nga drogas inay padayon ang ilang pakigbisog sa maong illegal.
Ingon man nga miawhag usab kini sa publiko nga kon gani adunay mga kasayuran bahin sa mga indibidwal nga nalambigit sa illegal nga drogas kay ipadangat kini sa ilang buhatan. | Bombo Rexmond Omega
