CEBU CITY- Dul-an P13-M worth of marijuana plants ang nalarot sa PNP ug PDEA-7 sa usa ka plantation sa Sitio Pulgason, Brgy. Langusig, dakbayan sa Danao, probinsya sa Sugbo.
Kasamtangang gipangita usab karon sa kapulisan ang cultivitator sa yutang gitamnan sa mga marijuana nga si Baristo Camaongay human naka-ikyas sa gipahigayong operasyon.
Matud sa hepe sa Danao PNP nga si Police Lt. Col. Maribel Getigan nga daling nakadetect ang High Value Target nga si Camaongay sa presensya sa mga pulis hinungdan nga dali kining naka-ikyas.
Muabot sa 32,000 ka mga fully grown marijuana plants ang nalarot kung diin pipila niini ang anaa na sa custody sa PDEA ug ang pipila ang gisunog.
Mag-atubang sa kasong adunay kalapasan sa RA 9165 o Comprehensive Dangerous Drugs Act ang naka-ikyas nga subject.
