CEBU CITY- Mukabat sa sobra 2 milyones pesos nga kantidad sa shabu ang nasakmit sa Provincial Intelligence Branch (PIB) atol sa gipahigayong buybust operation sa Lawaan 2, dakbayan sa Talisay ,Cebu.
Giila ang nasikop nga subject nga si Rogelio Amion, residente sa naasoy nga lugar ug si Lyndon Lastimosa a.k.a Dondon nga sakop matud pa sa self-confess druglord sa Central Visayas nga si Franz Salabones nga dunay warrant of arrest na. Sikop usab ang lain pang 3.
Matud ni Police Lieutenant Colonel Marlu Conag ang hepe sa PIB nga positibong napalitan sa ilang poseur buyer ang subject. Samtang ang usa ka subject nga giilang si Rex Aldia ang nalandig karon sa tambalanan tungod kay sa dihang gipahigayon ang operasyon sa balay niini nga usa ka drug den, mi-ambak kini gikan sa atop. Naparok ang ulo niini og nabali ang till.
Padayon usab ang imbestigasyon sa PIB kalabot sa binaligyaay og shabu sa dakbayan sa Talisay subay na sa reports nga ilang nadawat nga hitak ang pinalitay og shabu ilabina kung dunay fiesta sa mga barangay.
Sa kinatibuk-an nakuha gikan sa operasyon ang 3 large packed shabu nga dunay gibug-aton nga 360 grams. Nakatakda usab nga pasakaan og kasong kalapasab sa iligal nga drogas ang mga dinakpan.
