CEBU CITY-Mukabat sa P20-M worth of illegal drugs ang nasakmit gikan sa usa ka bodegero atol sa gipahigayog buybust operation sa mga sakop sa City Drug Enforcement Unit sa Cebu City Police Office sa 6th Street Brgy. Apas, dakbayan sa Sugbo.
Naila ang subject kinsang giisip nga usa ka high value target regional level nga si Elmer Bas Gallarde, 35 anyos alyas Budol o Bordz ug residente sa JM Street Brgy. Sawang Calero.
Nakuha gikan niini ang 3 ka kilos nga shabu nga mubalor sa 20.4 million pesos.
Subay niini, atol sa pagkasikop sa subject, misuka matud pa dayon kini sa lain pa niyang mga koneksyon hinungdan nga nagpahigayon og on going follow up operation ang kapulisan ug lauman nga mapun-an pa ang 3 kilos nga shabu ug lain pang kinilong shabu.
Gikompirmar usab ni Brgy. Apas Kapitan Jingjing Cabigon atol sa Zona Libre Program ang naasoy nga operasyon ug nagkanayon kini nga renter lang ang naasoy nga dinakpan sa iyang barangay.
