-- ADVERTISEMENT --
CEBU CITY — Nikabat sa P3,400,000 nga kantidad sa gituhuang shabu ang nakompiskar atol sa buybust operation nga gipangulohan sa Negros Oriental Police Provincial Office kagahapon sa Zone 2, Barangay Looc, Dumaguete City, Negros Oriental.
Giila ang dinakpan nga si Evelyn Pahente, 63- anyos, single, usa ka tag-iya og sari-sari store ug residente sa nahisgutang dapit samtang padayon pang gipangita sa otoridad ang kauban niini nga si Jovic Calibo.
Nakuha sa posisyon sa suspek ang 500 grams nga gituhuang shabu nga nagkatindad og P3,400,000.00 ug ang boodle money nga P3,000,000.
Mag-atubang ang dinakpan sa kasong may kalapasan sa RA 9165 o ang Comprehensive Dangerous Drugs Act of 2002.// BRA, BEP
