CENTRAL VISAYAS-Mokabat sa P330 milyones nga kantidad sa ilegal nga drugas ang nasakmit sa Philippine National Police (PNP) ug Philippine Drug Enforcement Agency sa Central Visayas (PDEA-7) ang gisunog sa Cosmopolitan Funeral Homes sa dalan Junquera sa dakbayan sa Sugbo, karung adlawa Huwebes, Oktubre 12.
Gitino ni Leia Alcantara, ang Regional Information Officer, PDEA-7 nga kini ang ikaduhang destruction activity sa ahensya ug ang pinakadako sa gidaghanon sa kantidad sa mga dangerous drugs base sa kantidad ug volume sa illegal nga drugas.
Sa gipangsunog adunay gibug-atun nga 47.8 kilos sa shabu, 2 kilos sa marijuana, 5 gramos sa cocaine, 932 gramsephedrine, 613 ml nalbuphine, ug uban pang klasi sa drugas.
Kung diin sa 47.8 kilos sa shabu, ang anaa sa 32-38 kilos ani kay gikan sa PNP operations.
Dugang pa, nga kini nga mga ilegal nga drugas gipang kumpiska, nasakmit, ug na-surrender gikan sa nagka lain laing lugar dinhi sa central visayas sama sa bohol, negros oriental, cebu province, mandaue, lapu lapu, ug cebu city.
Giklaro usab ni Alcantara nga bag o nila gisunog ang mga illegal na drugas ilaha kining gipaagi ug field test mapakita nga tinuod nga drugas ang ilahang gi sunog ug wala kini nila pulihi.
Dugang pa, nga ang PDEA ang maoy gitahasan sa pagpahigayon sa pagsunog sa mga ilegal nga drugas ug tugotan lang sila sa pagsunog sa ilegal nga drugas kon adunay kamanduan gikan sa korte.
Ang PNP mao ang awtorisado nga luwas nga tipigan ang ilegal nga drugas atol sa ilang operasyon apan ila kining iturn over ngadto sa PDEA alang sa kataposang pag sunog.
Sa pagkakarong tuiga, nikabat na sa 521, 656,301.82 pesos ang kantidad sa mga nakumpiska, nasakmit, ug na-surrender nga ilegal na drugas dinhi sa central visayas.
Dugang pa, nga ang mga nakumpiska nga drugas gisusi sa mga chemist sa PDEA-7 ug dayon gisunog sulod sa thermal incinerator sa mga awtoridad.
Kini nga kalihokan subay sa RA 9165 o ang Comprehensive Dangerous Drugs Act of 2002.
Base sa balaod, kinahanglan ma sunog ang maong ilegal na drugas o mu undergo ug thermal destruction nga anaa sa 1, 000 degree centigrade.
