LAPU LAPU CITY, CEBU-Nasakmit sa mga sakop sa kapulisan sa Lapu-Lapu City ang 5 ka kilo sa gituohang shabu nga adunay gibanagibanang kantidad nga P34 million sa Mustang, Barangay Pusok, sa dakbayan sa Lapu-Lapu.
Ang malampusong buy-bust operation gilangkuban sa mga ahensya sa City Intelligence Unit ug City Drugs Enforcement Unit, ingon man ang mga officials sa naasoy nga barangay.
Matud pa nga ang 27-anyos nga babaye kinsang nasikop gitutukan sa kapulisan diin gikan sa pinakaaubos ug gisubay nila kining indibidwal nga nakuhaan og binulto nga shabu.
Subay niini, gipahimangnoan ni Mayor Junard Ahong Chan ang mga nag-negosyo og gidiling drogas nga hingpit na nga mo-undang sa matang sa illegal nga kalihokan tungod kay dili sayon nga puy-an ang prisohan.
Mipasalig usab ang ang mayor nga magpadayon ang ilang paggukod sa illegal nga drogas subay sa ilang kampanya batok niini.
