CEBU – Gusto sa dakbayan sa Mandaue nga magamit sa pagtabang sa mga drug warriors nga mangita og panginabuhian ang P500,000 incentives alang sa mga barangay nga gideklarar nga drug cleared.
Niadtong Lunes, Hulyo 11, ang konseho sa dakbayan atol sa ilang regular session, nipalabang sa resolusyon nga gi-author ni City Councilor Nerissa Soon-Ruiz, nga naghatag sa guidelines alang sa paggamit sa P500,000 nga insentibo.
Giumol anguidelines sa Technical Working Group nga gilangkoban sa budget officer, city treasurer, accountant, City Social Welfare and Services, ug representante ug consultant ni Mayor Jonas Cortes.
Sa Mandaue, hatagam sa kagamhanan sa dakbayan og P500,000 nga incentives ang tanang barangay nga madeklarar nga drug cleared.
Gitataw ni Soon-Ruiz kinsa mao usab ang focal person sa City Anti-Drug Abuse Council (CADAC) nga mas maayo nga mohatag og guidelines aron masiguro nga magamit alang sa kaayohan ang hinabang sa mga drug warriors.
